LA DIOSA CORONADA, Тelemundo, RTI|2010/11

La Diosa coronada (Крунисаната Божица) е автобиографска теленовела која ја подготвува Телемундо во копродукција со RTI, за животот на екс колумбиската мисица Енџи Санклементе.
Гламурозниот живот на Енџи, од кавијар и шампањ, ќе ја доведе до самиот раб кога ќе се вмеша во нарко бизнисот и ќе заврши зад решетки поради истото.

Синопсис:

Ракел Круз е исфрустрирана од животот во сиромаштија и благодарение на нејзината убавина и амбиција наоѓа идеален пат кон успехот и богатството. Таа е сигурна дека бракот со милионер ќе биде крај за нејзините економски проблеми, но жртвата кон остварувањето на таа цел е младиот и успешен Естебан, кој ги открива нејзините амбиции и веќе за неполни три месеци одлучува да ја остави во истата ситуација во која и ја запознал.

Во потрага за подобра иднина, се кандидира за изборот на Национална Кралица на Туризам, подготвена исклучително за победа, па макар заради неа ќе ја продаде душата на ѓаволот. Во тоа и успева, но проблемот се јавува кога една новинарка открива дека нејзиното крунисување не било во склад со прописните правила на натпреварот, следејќи го фактот дека Ракел зад себе има скриен и завршен брак. Нејзината желба за пари, успех и моќ одново делуваат недостижно, се до денот кога го запознава таинствениот работник кој и нуди живот полн со луксуз и слава. Така Ракел се мажи по втор пат, сега за Хенаро.

Срце исполнето со празнина и рамнодушност ќе биде најголемата жртва и надокнада за целиот луксуз кој го стекнала, но и влезот во ризичните бизниси на сопругот. Ракел влегува во светот на корупцијата, опасните игри и илегалниот луксуз, кој ќе ја одведе право во светот на трговијата со дрога. Благодарение на врските на влијателните нарко дилери во Колумбија, добива прилика за транспорт на дрога низ алиштата на моделите, и започнува со здружение на мрежа на мафија и модели со употреба на таканаречени “човечки мазги”. Така Ракел станува „Крунисаната Божица“ и господарка на сопствениот свет.

Но, една грешка ќе ја лиши од сето она што го постигнала, па и од личната слобода. Полицијата започнува немилосрдна потрага за „Крунисаната Божица“, во која паричната награда за нејзината глава станува сечија опсесија.